Hætt á fésinu

Já ég er hætt í facebook, fékk nóg af persónulegum upplýsingum frá hinum og þessum og langaði bara ekki að vera með í þessu lengur. Gunnar horfði á mig, ertu í alvörunni hætt. já ég er hætt!!
Þetta er bara tímaþjófur hjá mér og orðinn ávani á hverjum degi að þurfa að fara inn og hvað, já og hvað: fylgjast með þvi hvað fólk er að gera alla daga?? Nei nú er komið nóg, frekar eyði ég tímanum með Lilju minni eða hinum börnunum eða bara með sjálfri mér í einhverju skapandi.

Fyrsta heimasaumaða taubleian

Flottust á bleiunni

Þarna er hún Lilja Katrín á bleiunni og teppinu sem Þura saumaði og gaf henni í jólagjöf. Hún er nú bara flott svona bleik og stelpuleg!!

Svo falleg

Hún er svo dömuleg litla Lilja mín. Hún er orðin svo dugleg, er farin að grípa í dót og leika sér. Farin að hreyfa sig aðeins á gólfinu, var búin að færa sig heilmikið til á teppinu í dag, komin að leikslánni og farin að naga hana. Það er svo gaman að fylgjast með framförunum hjá henni.

Bók fyrir mig

Mig langar í þessa bók, þetta er akkúrat það sem ég er að spá í núna.

Góður dagur

Í dag fór ég með Lilju Katrínu út að labba til mömmu í Grafarholtið. Ég var 50 mínútur til hennar og ekki nema 40 mín heim enda allt niður í móti. Þetta var ótrúlega hressandi og gaman. Það var þoka í morgun og alveg logn, frábært veður. Þegar ég var komin heim aftur og búin að taka á móti krökkunum úr skólanum tók ég hornsófann og ryksugaði hann allan bak og fyrir. Ég tók sessurnar og púðana og barði það allt út á svölum eins og brjálæðingur. Það er allt annað að sjá sólfann núna. En ég er líka dauðþreytt eftir daginn, alveg uppgefin.

Jólin út

Þá er jólaskrautið komið ofan í kassa og jólatréð út fyrir lóðarmörk. Það er mikil hreinsun í gangi þessa dagana. GM er á útopnu í sínu herbergi, búin að henda öllu bleiku út og komið hvítt í staðinn. Við fórum í Ikea í fyrradag og keyptum mottu, gardínur, lampa og fleira skraut í herbergið hennar. Allt hvítt að hennar ósk.

Mér finnst líka svo mikil hreinsun í því að henda út jólatrénu og pakka jólaskrautinu, þá getur maður einhvern vegin horft fram á veginn og byrjað á einhverju spennandi.

Við fórum í göngu/hjólatúr áðan, fyrst fór Gunnar með Lilju í vagninum og þegar hann kom inn þá fór ég út og Jóhann fór á hjólinu. Við fórum smá hring hér í hverfinu og næsta hverfi líka. Það er alveg frábært veður og mörg ljósmyndamótívin urðu á leið okkar en því miður engin myndavél með í för. Tek hana með næst.